Alen Delonun evində 72 odlu silah ələ keçirildi

Fransa polisi, kino əfsanəsi Alen Delonun evindən axtarış zamanı 72 silah və 3 mindən çox güllə ələ keçirib.

Asayis.Az xəbər verir ki, bu barədə “BBC” məlumat yayıb.

Məlumata görə, polis əməkdaşları villanın ərazisində atış tiri aşkar ediblər.

Lakin, prokurorluq Delonun silah icazəsi olmadığını bildirib.

Villada axtarış sənətçinin ailəsindəki münaqişə məsələləri başlandıqdan sonra aparılıb.

Qeyd edək ki, 88 yaşlı aktyor "Samuray" (1967) və “Borsalino” (1970) kimi hit filmlərdə sərt görünüşlü obrazları canlandıraraq, fransız kinosunun əfanəsinə çevrilib.