Nebahat Çehre zəlzələyə görə milyon dollarlıq reklam təklifinə “yox” dedi

79 yaşlı məşhur aktrisa Nebahat Çehre milyon dollarlıq reklam təklifinə "yox" cavabı verib. 

Asayis.Az xəbər verir ki, bu barədə Türkiyə mediası məlumat yayıb.

Bildirilib ki, aktrisaya 2024-cü ildə satışa çıxarılması planlaşdırılan evlərin reklam siması olmaq üçün tikinti şirkəti tərəfindən təklif edilib. 

Sənətçi reklam təklifinə yox deməsinin səbəbini bu sözlərlə izah edib:

“Son zəlzələdə yüzlərlə ev minlərlə insanın məzarına çevrildi. Bəs mənim reklam etdiyim evlər də uçsa? 

Mən heç cür özümə gələ bilmərəm. Pul hər şey deyil".