Məşhur sənətçinin son görüntüləri hər kəsi kövrəltdi - FOTO

Türkiyənin məşhur sənətçisi Özkan Uğurun ölümündən sonra son görüntüləri yayılıb. 
Asayis.Az xəbər verir ki, həkimi Aylin İlksöz onun vəfatından sonra xəstəxanadakı vəziyyəti ilə bağlı paylaşım edib. 

Paylaşımında sənətçinin son anlarından danışıb:

"Reanimasiya şöbəsində çalışan biri olaraq təəssüf ki, işimin bir hissəsi də insanlara yaxınlarının ölüm xəbərini verməkdir. Bunun ən çətin anlarından biri də Özkan Uğurun ailəsinə onun ölüm xəbərini verdiyim zaman oldu.

Özkan Uğur haqqında deyiləcək çox şey var, amma indi onun aktyorluğu və ya ifaçılığı ilə bağlı deyil, son 1,5 aydır reanimasiya şöbəmizdə yatarkən tanıdığım Özkan Uğur haqqında danışmaq istəyirəm. 

Məncə, reanimasiya insanın ən həqiqi halını gördüyümüz yerdir. Ölüm gerçəyi gündəmə gələndə bir neçə gün əvvəl sizi yuxusuzlaşdıran digər dərdləriniz əhəmiyyətsiz detallara çevrilir, ictimai təzyiqdən qurtulursunuz. Gündəlik həyatda mehriban insan olmaq mənim çox təqdir etdiyim bir xüsusiyyətdir. Ancaq buna baxmayaraq, təşəkkür etmək və xahiş edirəm demək o qədər də vacib deyil.

Reanimasiya yatağında uzanarkən ən çətin anlarda da gülümsəməyə davam etmək... Bu, həyatda az adamın əldə etdiyi bir fəzilətdir. Çox sağol Özkan, çətin vəziyyətdə olmağın kobudluğa bəhanə olmadığını bizə göstərdiyin üçün, o anlarda belə saçını yuyub daramaqdan aldığın həzz, həyat sevincini, gülər üzünü itirmədiyin üçün və bir son dəfə də olsa xüsusiyyətlərin ilə bir daha bizə nümunə olduğun üçün...".

Xatırladaq ki, xərçəng xəstəliyi ilə mübarizə aparan Özkan Uğur bir neçə gün öncə vəfat edib.