"Putinə silahlı üsyana cəhdlə bağlı tədbirlər görülür" - Kreml

“Müdafiə Nazirliyi, Milli Qvardiya, Daxili İşlər Nazirliyi və FTX Rusiya Prezidenti Vladimir Putinə silahlı üsyana cəhdlə bağlı dövlət başçısının verdiyi tapşırıqlardan sonra görülən tədbirlər barədə gecə-gündüz hesabat verir”.
Asayis.Az xəbər verir ki, bunu Rusiya prezidentinin mətbuat katibi Dmitri Peskov deyib.

Bu, “Vaqner” PMC-nin təsisçisi Yevgeni Priqojinin açıqlamaları yayıldıqdan sonra baş verib.

“Xüsusi xidmət orqanları, hüquq-mühafizə orqanları, o cümlədən Müdafiə Nazirliyi, FTX, Daxili İşlər Nazirliyi, Rusiya Qvardiyası əvvəllər onlara verilmiş tapşırıqların icrası kontekstində həyata keçirilən tədbirlər barədə daim prezidentə hesabat verirlər”, - Kremlin sözçüsü bildirib.

Peskov, həmçinin qeyd edib ki, Putin Priqojin ətrafındakı vəziyyətlə bağlı məlumatlandırılıb və “lazımi tədbirlər görülür”.

Federal Təhlükəsizlik Xidməti silahlı üsyan faktı ilə bağlı cinayət işi açıb.

Qeyd edək ki, “Vaqner” PMC-nin təsisçisi və rəhbəri Yevgeni Priqojin ötən gün Rusiya Müdafiə Nazirliyini artilleriya və hücum helikopterlərindən istifadə etməklə onun yarımhərbi birləşməsinin arxa düşərgələrinə raket zərbələri endirməkdə ittiham edib. Priqojinin Teleqram kanalında yayılan səs yazısında PMC-nin “ölkənin hərbi rəhbərliyinin daşıdığı şər”i dayandırmaq niyyətində olduğu bəyan edilib. Bildirilib ki, qarşılarına çıxan bütün maneələr məhv ediləcək.

Priqojin, “ədalətin bərpasından sonra” “Vaqner” PMC-ni Ukrayna cəbhəsinə qaytaracağına söz verib. O, sərəncamında 25 min döyüşçünün olduğunu əlavə edib və nizami ordu hərbçiləri də daxil olmaqla, bütün istəkli rusları onlara qoşulmağa çağırıb.

Artıq Rusiyanın Rostov-na-Donu şəhərinin “Vaqnerçilər” tərəfindən ələ keçirildiyi bildirilir.//Yeniavaz.com